Հրավիրում ենք Ձեզ մասնակցել Internal audit. Vision 2035 հետազոտության շրջանակներում իրականացվող հարցմանը: Հետազոտության նպատակն է ուսումնասիրել այն թեմաները/ոլորտները, որոնք կնպաստեն Ներքին աուդիտի մասնագիտության ապագայի ձևավորմանը:

Հարցման մասնակցությունը կպահանջի մոտ 20 րոպե և նախատեսված է ներքին աուդիտի մասնագետների, դասախոսների, ուսանողների և ոլորտի հետ առնչվող այլ անձանց համար:

Խնդրում ենք լրացնել հարցումը մինչև մարտի 15-ը։

Հարցման հղումը՝ https://www.theiia.org/vision2035survey

Ձեր կողմից տրամադրվող տեղեկատվությունը բացառապես հետազոտական ​​նպատակների համար է:

Սույն թվականի սեպտեմբերի 26-ից 27-ը Բուդապեշտում (Հունգարիա) անց է կացվելու ECIIA-ի տարեկան կոնֆերանսը՝ “Solve the puzzle” խորագրով։

Միջոցառմանը գրանցվելու, ծրագրին, խոսնակներին և այլ մանրամասներին ծանոթանալու համար կարող եք այցելել կոնֆերանսի պաշտոնական կայք՝ https://eciiaconference2024.iia.hu

Սույն թվականի դեկտեմբերի 1-ին ամփոփվել են Հայաստանի ներքին աուդիտորների ինստիտուտի ղեկավար կազմի և վերստուգողի ընտրությունները: Շնորհավորում ենք նորընտիր Նախագահին, Խորհրդի նոր անդամներին և վերստուգողին:

Սույն թվականի նոյեմբերի 12ին Աղվերանում տեղի ունեցավ Հայաստանի ներքին աուդիտորների ինստիտուտի տարեկան կոնֆերանսը, որի գլխավոր հովանավորն էր Ակբա բանկը:

Կոնֆերանսին քննարկվել են այնպիսի արդի թեմաներ ինչպիսիք են կիբերանվտանգությունն ու համապատասխանությունը, բանկային գործն ու տեխնոլոգիաները, տաղանդների ներգրավումը և էթիկայի հիմունքները աուդիտորների համար: Կոնֆերանսին նաև քննարկվել է ներքին աուդիտի որակի հավաստիացման ու բարելավման ծրագիրը, որի ընթացքում քննարկման մասնակիցները կիսվել են իրենց փորձով և տեսակետներով:

Շնորհակալություն ենք հայտնում կոնֆերանսի բոլոր մասնակիցներին և բանախոսներին՝ Ջորդան Կարաբինովին, Մարիամ Համբարձումյանին, Օլգա Սեմյոնովային, Արա Չալաբյանին, Սերինե Ֆլջյանին և Մկրտիչ Լոռեցյանին իրենց փորձով կիսվելու և թեմաները ներկայացնելու համար:

Ապրիլի 15-ին տեղի է ունեցել քննարկում ՆԱԻ-Հայաստանի Խորհրդի անդամ Մարինե Ղուշչյանի մասնակցությամբ: Քննարկումը կրում էր ինտերակտիվ բնույթ, բանախոսն ու մասնակիցները կիսվում էին իրենց փորձով:  Քննարկման հիմնական թեմաներն էին տարեկան ռիսկերի գնահատման գործընթացը, ներառյալ՝ ռիսկերի գնահատման նպատակները, մեթոդները, ռիսկերի քարտեզները, ինչպես նաև աուդիտի ռիսկերի գնահատումը, ներառյալ՝ ռիսկերի և հսկողությունների մատրիցաներ, խարդախության ռիսկի գնահատում: 

Մարտի 17-ին Ibis հյուրանոցում տեղի ունեցավ Եվրոպական Կենտրոնական բանկի ներքին աուդիտի նախկին տնօրեն Կլաուս Գրեսենբաուերի մասնակցությամբ կլոր սեղան քննարկում: Քննարկման հիմնական թեմաներն ընտրվել էին հիմնվելով անդամների հարցման արդյունքների վրա: Դրանք էին.
– Թվային տրանսֆորմացիա, աուդիտների իրականացում թվային դարաշրջանում
– Ռիսկերի կառավարում
– Ժամանակակից աուդիտորին անհրաժեշտ հմտություններ
– Հաղորդակցման հմտություններ, ինչպես հաղորդակցել աուդիտի հաշվտվությունը շահառուներին

Քննարկումը կրում էր ինտերակտիվ բնույթ։ Բանախոսն անդրադարձավ ներքին աուդիտի արդի մարտահրավերներին, պատասխանեց անդամներին հուզող հարցերին։

Կլաուս Գրեսենբաուերի կենսագրությանը կարող եք ծանոթանալ հետևյալ հղումով:

Սույն թվականի հոկտեմբերի 30-ին և 31-ին տեղի կունենա Հայաստանի Ներքին աուդիտորների ինստիտուտի կոնֆերանսը և Տարեկան ժողովը:
Կոնֆերանսին կհաջորդի պաշտոնական ընթրիքը, որի ընթացքում Ինստիտուտի անդամները հնարավորություն կունենան ծանոթանալ և հաղորդակցվել միմյանց հետ:
Միջոցառումները տեղի կունենան Best Resort Aghveran հյուրանոցում:

Տարեկան ժողով
Տարեկան ժողովի մասնակցությունը ՆԱԻ-Հայաստանի անդամների համար անվճար է: Միայն Տարեկան ժողովին մասնակցության ցանկություն հայտնած անդամներին ՆԱԻ-Հայաստանը կապահովի անվճար տրանսպորտով: Տարեկան ժողովին հնարավոր է մասնակցել նաև առցանց եղանակով: Տարեկան ժողովի ընթացքում նաև տեղի կունենան ՆԱԻ-Հայաստանի խորհրդի ընտրություններ:

Կոնֆերանս
Կոնֆերանսի բանախոսների շարքում են ՀՀ ԿԲ նախագահ Մարտին Գալստյանը, ՀՀ ԿԲ նախագահի տեղակալներ Ներսես Երիցյանը և Վախթանգ Աբրահամյանը, MAS աուդիտի ծառայությունների գլխավոր խորհրդատու Մայքլ Ֆուչիլին և այլ բանախոսներ: Հայտնում ենք, որ ԵԿԲ նախկին գլխավոր աուդիտոր Կլաուս Գրեսենբաուերը COVID-19 համավարակի սահմանափակումներով  պայմանավորված չի կարողանա մասնակցել միջոցառմանը: Կոնֆերանսի օրակարգը կարող եք տեսնել հետևյալ հղումով:
Անդամների համար կոնֆերանսի մասնակցության արժեքը կազմում է 25,000 ՀՀ դրամ:
Ոչ անդամների համար կոնֆերանսի մասնակցության արժեքը կազմում է 34,000 ՀՀ դրամ:
Մասնակցության դեպքում խնդրում ենք լրացնել հետևյալ հարցաշարը մինչև հոկտեմբերի 22-ը:

Հոկտեմբերի 31-ին կազմակերպվելու են թիմային խաղեր (team building) Armenian Game Changers-ի կողմից, որոնք թույլ կտան անդամներին ավելի լավ ծանոթանալ միմյանց հետ: Խաղերը տևելու են 3 ժամ: Խաղերի ֆորմատը և իրականացումը կախված է մասնակիցների քանակից: Խնդրում ենք հարցաշարում ուշադրություն դարձնել թիմային խաղերին նվիրված հարցին:

ՆԱԻ-Հայաստանի անդամին ուղեկցող 1 չափահասի համար անհրաժեշտ է վճարել Բեսթ Վեսթերն Աղվերան Հոթելում լրացուցիչ 20,000 ՀՀ դրամ (գինը ներառում է գիշերակացը, նախաճաշը, ճաշը և պաշտոնական ընթրիքը): 0-6 տարեկան երեխաների կացությունն անվճար է, 6-12 տարեկան երեխաներինը՝ 10,000 ՀՀ դրամ (գինը ներառում է գիշերակացը, նախաճաշը, ճաշը և պաշտոնական ընթրիքը):

Հարգանքով՝
ՆԱԻ-Հայաստան