Որակավորում

Գտեք կարիերայի զարգացման Ձեր ուղինCapture
ՆԱԻ կողմից առաջարկվող հիմնական և առաջնային որակավորումն է Certified Internal Auditor® (CIA®):
Առաջարկվող այլ որակավորումների ծրագրերին կարող եք ծանոթանալ՝ ներբեռնելով Global Certifications Brochure գրքույկը:
CIA – CERTIFIED INTERNAL AUDITOR
cia-logoCIA որակավորումը ներքին աուդիտորների համար նախատեսված միակ համաշխարհային ճանաչում ունեցող որակավորումն է:Որակավորումն ազատում է մասնագետին ԿԲ Ներքին աուդիտորի լիցենզիա ստանալու անհրաժեշտությունից:

5 քայլ դեպի որակավորում

Քայլ 1 – Որոշեք  Ձեր համապատասխանությունը ծրագրի պահանջներին 

CIA թեկնածուները պետք է բավարարեն կրթության և փորձառության որոշակի պահանջների: Համապատասխան բոլոր փաստաթղթերը պետք է հաստատվեն  ՆԱԻ Գլոբալի որակավորման անձնակազմի կողմից:

Պահանջներին կարող եք ծանոթանալ հետևյալ հասցեով

CIA Eligibility Requirements

Քայլ 2 – Պատրաստվեք քննությանը

Դուք ինքնուրույն եք որոշում, թե ինչպես պատրաստվել քննությանը: Մի շարք անկախ կազմակերպություններ առաջարկում են քննությունների նախապատրաստման ծրագրեր ու նյութեր:

ՆԱԻ-Հայաստանը նույնպես առաջարկում է քննություններին պատրաստվելու դասընթացներ:

practice exam    Learning system

Քայլ 3 – Գրանցվեք քննության համար

CIA քննության գրանցումն իրականացվում է CCMS առցանց համակարգով:

Դիմել և գրանցվել

 11532-WEB-Global_RR-CCMS

Քայլ 4 – Հանձնեք քննությունը

Որակավորման քննությունն իրականացվում է Pearson Vue առցանց համակարգով:

pearsonvue

Քայլ 5 – Ստացեք սերտիֆիկատը

Քննությունը հաջողությամբ հանձնելուց և ծրագրի բոլոր պահանջներին բավարարելուց հետո Դուք կարող եք ստանալ հավաստագիրը: Անհրաժեշտ է մուտք գործել CCMS համակարգ և լրացնել հավաստագրի պատվիրման ձևաթերթը: Վերջինս Ձեզ կառաքվի ստանդարտ փոստային ծառայության միջոցով առանց որևէ լրավճարի:

Քննության գրանցման գործընթացի մանրամասն քայլերը կարող եք ներբեռնել այստեղ:

CIA որակավորումը ստանալուց հետո Շարունակական մասնագիտական կրթության համար անհրաժեշտ 40 ժամերը կարող եք լրացնել՝ մասնակցելով ՆԱԻ-Հայաստանի կողմից կազմակերպվող միջոցառումներին, միջազգային կոնֆերանսներին, ինչպես նաև օնլայն դասընթացներով:

ՆԱԻ-Հայաստանի անդամ Արտակ Բաղդասարյանը որակավորվել է՝ հաջողությամբ հանձնելով CIA որակավորման քննությունները:

ՆԱԻ կողմից տրվող որակավորումները ձեռք բերելու պատճառները շատ են: Ձեր անվանումից հետո գրվող երեք կամ չորս տառն այսուհետ կհանդիսանան զորեղ մի փաստարկ՝ հավաստող Ձեր մասնագիտական կարողությունն ու փորձը: 

Սերտիֆիկացումը Ձեզ տալիս է

ՀԱՐԳԱՆՔ

օգնում է ձեռք բերել ոլորտի վարկունակությունն ու հարգանքը

ԱՌԱՋԽԱՂԱՑՈՒՄ

ստեղծում է առաջխաղացման նոր հնարավորություններնքը

ՎԱՐՁԱՏՐՈՒԹՅՈՒՆ

հնարավորություն բարձրացնել Ձեր աշխատավարձը մինչև 40%-ով

ԳԻՏԵԼԻՔ և ԶԱՐԳԱՑՈՒՄ

կատարելագործում է աուդիտի Ձեր գիտելիքն ու հմտությունները և փաստում Ձեր անհատական զարգացման մեջ ներդնելու պատրաստակամության մասին

ՎՍՏԱՀՈՒԹՅՈՒՆ

վստահություն է ստեղծում Ձեր մասնագիտական գիտելիքի վերաբերյալ

“My certifications have brought results through my career development with
job and leadership opportunities. It is a crucial part of my professional
development.”
– Ara Kurazyan, CIA, CCSA, CFSA, CGAP, CRMA
Senior Auditor,
Deloitte, IIA–Armenia

Սերտիֆիկացումը Ձեզ տալիս է

ՆԱԻ կողմից տրվող որակավորումները ձեռք բերելու պատճառները շատ են: Ձեր անվանումից հետո գրվող երեք կամ չորս տառն այսուհետ կհանդիսանան զորեղ մի փաստարկ՝ հավաստող Ձեր մասնագիտական կարողությունն ու փորձը:

ՀԱՐԳԱՆՔ

օգնում է ձեռք բերել ոլորտի վարկունակությունն ու հարգանքը

ԱՌԱՋԽԱՂԱՑՈՒՄ

ստեղծում է առաջխաղացման նոր հնարավորություններ

ՎԱՐՁԱՏՐՈՒԹՅՈՒՆ

փաստում է Ձեր անհատական զարգացման մեջ ներդնելու պատրաստակամության մասին և ցուցաբերում է Ձեր նվիրվածությունը մասնագիտությանը

ԳԻՏԵԼԻՔ և ԶԱՐԳԱՑՈՒՄ

կատարելագործում է աուդիտի Ձեր գիտելիքն ու հմտությունները

ՎՍՏԱՀՈՒԹՅՈՒՆ

վստահություն է ստեղծում Ձեր մասնագիտական գիտելիքի վերաբերյալ

ՆԱԻ-Հայաստանն իր անդամների վերապատրաստման կարիքները գնահատելու և առավելագույնս բավարարող տարբերակներ առաջարկելու նպատակով անց է կացնում հարցում:

Ադրինե Թումանյան, CIA

Շնորհավորում ենք ՆԱԻ-Հայաստանի անդամ Ադրինե Թումանյանին՝ CIA որակավորման քննությունները գերազանց արդյունքներով հանձնելու և 2016թ. Ուիլյամ Ս. Սմիթի մրցանակը ստանալու համար:

Ներկայացնում ենք Ադրինեի հետ հակիրճ հարցազրույցը:

– Ադրինե, Դուք ներառվել եք 2016թ.-ին լավագույն արդյունքներով քննությունները հանձնողների ցուցակում: Սա մեծ նվաճում է: Աշխարհում ամեն տարի մի քանի տասնյակ հազար դիմորդներ հանձնում են CIA քննություններ: Հուսանք, որ Ձեր փորձով կնպաստեք Հայաստանում մասնագիտության զարգացմանը և սերտիֆիկատի տարածմանը: Խնդրում ենք նաև կիսվել Ձեր փորձով ՆԱԻ անդամների հետ: Ինչու՞ որոշեցիք հանձնել CIA քննությունները:

Որոշումս պայմանավորված էր մասնագիտական փոփոխություններով: Աուդիտը ինձ համար ամբողջությամբ նոր ոլորտ էր և բավականին անծանոթ: Բացը լրացնելու համար որոշեցի CIA որակավորման համար նախապատրաստվել ինչն ինձ օգնեց թե նոր գիտելիքներ ձեռք բերել և թե ներքին աուդիտորի որակավորում ունենալ:

– Ի՞նչ հերթականությամբ եք հանձնել քննությունները, որքա՞ն ժամանակ է պահանջվել յուրաքանչյուր մասին նախապատրաստվելու համար:

Սկսել եմ 1-ին քննությունից, այնուհետև հանձնել եմ 2-րդը և 3-րդը: 1-ին և 2-րդ քննության համար նախատեսված տեսական նյութերը և թեստերը ներառում են 7 գլուխ: 1-ին քննության համար նախապատրաստվել եմ մոտ 1 ամիս՝ օրական տրամադրելով 2-3 ժամ: 2-րդ քննության համար նախատեսել էի 2-3 շաբաթ, քանի որ օրվա ընթացքում ավելի շատ ժամանակ էի հատկացնում ՝ մոտ 5 ժամ: 3-րդ քննությունն ավելի ծավալուն է, քանի որ ծածկում է թեմաների ավելի լայն շրջանակ, կազմում է 20 գլուխ: Այդ իսկ պատճառով 3-րդ քննության նախապատրաստվելը տևել է մոտ 1.5 ամիս՝ օրական հատկացնելով 2-3 ժամ: Ընդհանրապես, GLEIM-ի կողմից խորհուրդ է տրվում 1-ին և 2-րդ քննություններին տրամադրել 50-ական ժամ, իսկ 3-րդին՝ 110:

– Նախապատրաստվելիս ի՞նչ մոտեցում էիք որդեգրել՝ նախ տեսություն, հետո թեստեր, թե՞ այլ:

Նախապատրաստվելու ընթացքում յուրաքանչյուր թեմայի համար նախ ծանոթանում էի տեսությանը, այնուհետև թեստեր էի անում՝ տեսությունն ամրապնդելու համար: Իմ կարծիքով, ավելի լավ արդյունքների համար հարկավոր է համատեղել տեսությունն ու թեսթերը:

Ժամանակի կառավարման ի՞նչ խորհուրդներ կտաք դիմորդներին:

Խորհուրդ կտամ պատրաստվելուն չափազանց շատ ժամանակ չհատկացնել, նախատեսել առավելագույնը 5-6 շաբաթ 1-ին և 2-րդ քնությունների համար, իսկ 3-րդի համար՝ 8-10 շաբաթ: Շատ կարևոր է պատրաստվել ամեն օր ժամանակ տրամադրելով, այլ ոչ թե կուտակել վերջին օրերին: Ինչպես նաև խորհուրդ եմ տալիս մոտավոր վերջնաժամկետ ֆիքսել Ձեզ համար: Քննությանն արժե գրանցվել այն դեպքում, երբ արդեն նյութի մեծ մասը վերանայել եք և քիչ թե շատ զգում եք, որ պատրաստ եք: Այսպես, եթե ընթացքում հասկանաք, որ Ձեզ լրացուցիչ ժամանակ է հարկավոր, խուճապի չեք մատնվի, սակայն ամեն դեպքում շատ հետաձգել հարկավոր չէ: