2019 թվականի մայիսի 29-ին ՎՏԲ-Հայաստան բանկում ներքին աուդիտի դեպարտամենտի տնօրեն և ՆԱԻ-Հայաստանի խորհրդի անդամ Ինեսսա Ավեդիկյանի և իր թիմի նախաձեռնությամբ տեղի է ունեցել ներքին աուդիտի իրազեկմանը նվիրված միջոցառում: Որպես բանախոսներ հանդես են եկել ՆԱԻ-Հայաստանի նախագահ և Կենտրոնական բանկի գլխավոր աուդիտոր Արա Չալաբյանը և Վեոն-Արմենիայի ներքին աուդիտի տնօրեն և 2013-2015 թթ. ՆԱի-Հայաստանի խորհրդի անդամ Հայկ Քարամյանը: Արա Չալաբյանը ներկայացրել է ՆԱԻ-Հայաստանի պատմությունը, այնուհետև անդրադարձել է իր հոդվածներին՝ Արդյոք ղեկավարը միշտ ճի՞շտ է, Մշակութային կաղապարներ. ղեկավարի վախերը և «Հասարակ մահկանացուի» արդարացումները: Իսկ Հայկ Քարամյանը ներկայացրել է ներքին աուդիտի դերն ու փորձը Վեոն-Արմենիա ընկերությունում: Միջոցառմանը ներկա էին բանկի ղեկավարության և ստորաբաժանումների ներկայացուցիչները:
